Etter registreringa blir stengt vil vi gjere eit utval av interessentar, og dei som blir plukka ut for å delta vil få tilsendt prøvetakingsutstyr og ferdig frankerte returkonvoluttar. Arbeidet blir honorert med 500 kroner per dyr, føresett at prøveuttak og innsending er gjord i samsvar med den medfølgde instruksen og blir godkjent når han kjem til Veterinærinstituttet.
Merk at ikkje godkjende innsendingar ikkje blir honorerte. Honorar for godkjende prøvar blir utbetalt to gonger i året, etter høvesvis vår- og haustsesong. Påmeldinga gjeld for heile 2026-sesongen.
→ Meld deg her som prøvetakar av raudrev.
Merk deg at det har dei siste åra vore stor interesse for å delta i innsamlinga til overvakinga av revens dvergbendelmark og vi har fått fleire påmelde jegerar enn vi treng for å gjennomføre innsamlinga. Det betyr at vi dessverre ikkje alltid kan tilby alle påmelde deltaking, men må gjere eit utval basert på bustad, slik at vi får ei god geografisk spreiing på kvar vi får prøvar frå.
Parasitten revens dvergbendelmark
Revens dvergbendelmarka (Echinococcus multilocularis) er ein parasitt som kan gi alvorleg sjukdom hos menneske. Parasitten førekjem i mange europeiske land og er òg påvist på Svalbard. Parasitten blir rekna for å vere fråverande på det norske fastlandet, men blei påvist i Sverige i 2011, i eit område nære norskegrensa.
Det er svært viktig å prøve å halde Noreg fri for denne parasitten. Dersom han etablerer seg her i landet, vil det kunne endre måten vi bruker naturen på, til dømes ved at ein må vere varsam med å ete rå bær og sopp, eller drikke ubehandla vatn.
Om overvakingsprogrammet
Målet med overvakingsprogrammet er å dokumentere at vi ikkje har førekomst av E. multilocularis på fastlandet i Noreg. Dette gjer vi ved å samle inn prøvar frå raudrev felt i løpet av jaktsesongen (1. januar - 31. desember) kvart år, og vi er avhengige av at jegerar er behjelpelege med å samle inn prøvematerialet som så blir undersøkt ved Veterinærinstituttet.
Les meir om overvakingsprogrammet
Viktig å dokumentere at Noreg er fri for parasitten
Parasitten kan komme til Noreg på ulike måtar: Gjennom innvandring av raudrev eller ulv austfrå, gjennom hund som er smitta i utlandet, eller via smågnagarar som "blindpassasjerar" med varetransportar. For å førebyggje at hund tek med seg smitten til Noreg, er det krav om behandling av dyra mot dvergbendelormen til reven før innreise til Noreg. For at Noreg skal kunne halde oppe dette viktige kravet, krevst det omfattande dokumentasjon på at vi er frie for parasitten. Prøveinnsamlinga frå raudrev er svært viktig i denne samanhengen.
Les meir om revens dvergbendelmark
Kontaktpersonar ved Veterinærinstituttet
- Kristin Henriksen (vedrørande innsending av prøvemateriale)
- Inger Sofie Hamnes (prosjektleiar)