Hundar kan ete klumpar av cyanobakteriar som veks på steinar eller på botnen, eller dei drikk litt medan dei badar. Slik kan hunden få i seg dei potensielt giftige cyanobakteriane.

Cyanobakteriar er mikroorganismar som finst naturleg i innsjøar og elvar, men av og til kan dei blomstre opp i større mengder. Slike oppblomstringar er vanlegast i næringsrike vatn om sommaren og tidleg haust, og særleg på søraustlandet slik som i Vestfold, Østfold, Akershus, Innlandet, Telemark, Rogaland og Vestland.

Oppblomstringane vil som oftast vere synlege i form av at vatnet blir grønt. Vind kan gjere at dei samlast i vikar eller buktar i vatnet, og skum frå desse områda kan innehalde høge konsentrasjonar av toksin.  

Ta bilete og send til app viss du ser algeoppblomstring

Viss du ser cyanobakteriar i vatn, kan du ta bilete og leggje dei inn i appen Bloomin’ Algae. Då kan du få ei tilbakemelding på om det er cyanobakteriar du har funne utifrå bileta. Informasjonen du legg inn om kvar du har funne cyanobakteriane, vil vere nyttig for forskarar for å forstå førekomst og spreiing i Noreg.

Appen som kom i 2022, er i bruk av Norsk institutt for vassforsking (NIVA) i samarbeid med Folkehelseinstituttet og Veterinærinstituttet og skal bidra til å varsle styresmakter raskare, og dessutan bidra til å forstå algeproblem betre.

Her kan du lese meir om  cyanotoksiner/mikrocystiner på Veterinærinstituttets nettsider.

Les òg: Hund død av mistenkt cyanobakterieforgifting etter å ha bada (vetinst.no) og
Giften frå desse bakteriane tok truleg livet av over 700 fuglar (forskning.no)

Vitskapskomiteen for mat og miljø (VKM) gav i 2021 ut ein rapport om cyanobakteriar og cyanotoksiner i norske drikkevasskjelder, les heile her.