Fisken er tilbake i Skibotnregionen etter gyro-kamp
For ti år sidan var parasitten Gyrodactylus salaris i ferd med å knekke laksebestanden i Skibotn i Troms. I dag er ungfiskbestandene i vekst og gytefisken er tilbake takka vere kamp mot parasitten og eit langvarig arbeid med å reetablere laksebestandane.
I 2015 og 2016 blei vassdraga i Skibotnregionen behandla med rotenon for å fjerne den laksedrepande parasitten Gyrodactylus salaris. Arbeidet var vellykka og i 2022 blei regionen friskmeld og meld fri for parasitten.
Rogn av stadeigen laks, sjøaure og sjørøye, blei sett ut åra 2017-2025. Dette reetableringsarbeidet har gitt gode resultat. Ein ny rapport frå Veterinærinstituttet viser at gytefisken er tilbake Skibotn– og Signaldalelva.
Gjenoppbygginga av bestandane er gjord ved å tilbakeføre rogn frå Miljødirektoratets genbankar.
‒ Rogna har opphav i villfisk som blei samla inn under bevaringsarbeidet som blei gjort i vassdraga før tiltakstiltaka mot Gyrodactylus salaris.
Slik har vi sikra at genetikken frå fisken som blei samla inn lokalt før gyronedkjempinga no er tilbakeført til dei respektive vassdraga i regionen. All rogn frå genbanken merka slik at fisk frå denne rogna kan skiljast frå annan fisk ved prøvetaking, fortel Aune.
Både Skibotnelva og Signaldalelva har dei siste åra nådd dei respektive gytebestandsmåla sine for laks. Gytefiskteljingar viser òg ein auke i sjøaure og sjørøye. Bestandane er størst i Signaldalelva, men det er òg ei fin utvikling i Skibotnelva, fortel Prosjektleiar for reetableringsprosjektet Svein Aune ved Veterinærinstituttet.
Reetableringsprosjektet har vore leidd av Veterinærinstituttet på oppdrag frå Miljødirektoratet, med Statsforvaltaren i Troms og Finnmark som tiltakshavar. Veterinærinstituttet har hatt ansvar for planlegging, gjennomføring og evaluering av tiltaka.
Positiv utvikling i gytebestandane og godt lokalt samarbeid
‒ Gytefisk av laks har for ein stor del bestått av utsett fisk. Vi ser no at god, naturleg gyting sørgjer for fiskeproduksjonen i vassdraga, fortel Aune.
Aune rosar samtidig lokal innsats:
‒ Det har vore eit godt samarbeid med personar i lokale lag og foreiningar. Desse har bidrege med lokal kunnskap og ein stor dugnadsinnsats frå oppstarten av innsamling av lokal fisk til genbank i 2015 til siste rogn blei graven ned i grusen i 2025.
Miljødirektoratet har sendt ut forslag om opning av fiske både Skibotn- og Signaldalelva sommaren 2026.
Les rapporten: Reetablering av laks, sjørøye og sjøaure i Skibotnregionen i åra 2017- 2025 etter kjemisk kamp mot G. salaris
