Skrapesjuke Nor98 i Nordland

Skrapesjuke Nor98 i Nordland

Denne saken er eldre enn to år

Veterinærinstituttet har påvist skrapesjuke hjå ei åtte år gammal søye av rasen norsk kvit sau i ein flokk med 370 vinterfôra søyer i Meløy kommune i Nordland. Funnet vart gjort som resultat av prøvetaking i samband med overvakings- og kontrollprogrammet for skrapesjuke hjå sau og geit.

Tilfellet som er påvist er av typen Nor98 som også vert kalla atypisk skrapesjuke. Søya hadde magra av i løpet av vinteren til tross for god appetitt og vart avliva etter å ha synt teikn på dårleg balanse og dårleg motorikk i to døgn.

Om småfe som dør brått eller vert avliva på grunn av sjukdom eller skade er eldre enn 18 måneder, skal dei undersøkast for skrapesjuke som eit ledd i overvakings- og kontrollprogrammet for skrapesjuke hjå sau og geit. Veterinærinstituttet gjennomfører laboratorieundersøkingane i overvakingsprogrammet på oppdrag frå Mattilsynet.

Kontaktpersonar i Veterinærinstituttet:

Forskar Sylvie Benestad, seksjon for patologi
Telefon: 23 21 64 23
E-post: sylvie.benestad@vetinst.no

Forskar Torfinn Moldal, seksjon for patologi
Telefon: 23 21 64 25
E-post: torfinn.moldal@vetinst.no

Del artikkel