Dyreetikkonferansen 2026: Hestevelferd – gulrot eller pisk?

Hesten er blant dyra vi menneske kanskje hevdar å forstå best. Likevel skaper trening, konkurranse, avl og hald jamleg debatt. Kor godt varetek vi eigentleg behovet til hesten, og kva skal til for å sikre god hestevelferd i praksis? Når veit vi at ein hest har det godt? Kva avgjer kvar grensa går for akseptable måtar å behandle hestar på?

Tema: Hestevelferd – gulrot eller pisk?

På Dyreetikkonferansen 2026 set Rådet for dyreetikk søkjelys på nokre av dei mest aktuelle og omdiskuterte spørsmåla innan hestevelferd. Vi utforskar mellom anna korleis hestar kommuniserer med menneske, kva hestens historie kan lære oss om dagens hestehald, korleis velferdsarbeidet går føre seg innan trav- og ridesporten, korleis styresmaktene arbeider med hestevelferd, og kva erfaringar og perspektiv vi kan hente frå hestehald i andre delar av verda. Vi vil òg sjå nærmare på korleis ein kan trene hestar med auka fokus på dyrevelferd, naturlege behov og åtferd.

Gjennom foredrag og paneldebatt inviterer konferansen til ein nyansert diskusjon om korleis vi best kan vareta interessene til hesten i møte med tradisjonar, sport, næringsinteresser og forventningane i samfunnet.

Arrangementet er gratis og ope for alle. Vi spanderer kaffi, småkaker og frukt.

Praktisk informasjon: Dørene opnar kl. 08.30. Det blir servert kaffi og te, og dessutan småkaker og frukt. Det faglege programmet startar kl. 09.00 og varer til ca. kl. 15.30. Lunsj er ikkje inkludert, men kan kjøpast på nærliggjande serveringsstader.

Påmeldingsfrist: 4. november. Vi stengjer ikkje påmeldinga etter fristen, men sidan vi serverer kaffibuffé, ber vi om at du melder deg på innan fristen. Dette hjelper oss med å planleggje arrangementet og berekne rett talet på deltakarar i forhold til serveringa.

Påmelding og strøyming

Meld deg på ved å klikke på lenkja: Registreringsskjema for Dyreetikkonferansen 2026.

Du kan òg følgje arrangement på strøyming: Dyreetikkkonferansen 2026

Program

Programmet er fortsatt under utarbeidelse. Endelig representasjon fra dyrevernorganisasjonene, foredragstitler, eksakte tidspunkt og ytterligere informasjon om programinnholdet vil bli publisert fortløpende på rådets nettside etter hvert som programmet ferdigstilles.