Symptom på skrantesjuke er avmagring, hyppig urinering og unormal åtferd, t.d. at dyr ikkje skyr menneske.
Ulike stammar av skrantesjuke
I Noreg har det vorte påvist ulike stammar av prion som forårsakar skrantesjuke (CWD). Hos villrein er priona funne i lymfeknutar hos alle. For dyra som har komme lengre i sjukdommen, også i hjernen.
At det er observert smittsam framferd av CWD hos villrein blir anteken å ha samanheng med at prion blir påviste fleire stader i kroppen, som i lymfeknutar.
Hos elg med skrantesjuke (CWD) i Norden er det med diagnostiske metodar så langt berre funne prion i hjernevev, og sjukdommen opptrer truleg sporadisk.
- For å kunne gjennomføre sikrast mogleg diagnostikk er det derfor viktig at både hjernevev og lymfeknute lèt seg undersøkje, seier CWD-koordinator og seniorforskar Jørn Våge ved Veterinærinstituttet.
Skrantesjuke, eller Chronic wasting disease (CWD), er ein prionsjukdom som i fleire tiår har vore kjend hos hjortedyr i Nord-Amerika. I 2016 vart denne alvorlege dyresjukdommen for første gong påvist hos villrein og elg i Noreg, og i 2017 vart den også påvist hos hjort.
Viktig å ta prøver
Jegerar, og andre som bidreg med å sende inn prøver, gjer ein god og viktig innsats i arbeidet med å kartleggje sjukdommen.
Det er viktig at merking og registrering av prøva blir rett gjord, så me kan spore dyret og sender dersom prøva viser seg å vere positiv.
Meld frå om du ser sjuke eller døde hjortedyr
Mattilsynet oppmodar alle som ferdast i skog og mark, og som ser sjuke eller døde hjortedyr, til å melde frå til Mattilsynet eller kommunen.
Les om kartlegging av skrantesjuke på hjorteviltportalen
Les mer på Mattilsynets nettsider
