Veterinærinstituttet har utført ei gransking som gir status for fluorbelasting av dyr rundt følgjande aluminiumsverk: Hydro Årdal, Hydro Sunndal, Hydro Husnes, Hydro Karmøy og Alcoa Lista. Studien viste at graden av fluorbelasting av hjortevilt varierte mellom dei fem lokalitetane og såg ut til å vera påverka av lokal topografi, meteorologiske tilhøve og nivå og type fluorutslepp. Det blei påvist fluorbelasting og fluorose hjå hjortedyr ved alle verk, men av svært varierande omfang og alvorsgrad.