Boazodearvvašvuođakursa dutnje gii barggat bohccuiguin ja šibitdoaktáriidda
Boazodearvvašvuođabálvalusa váldoulbmil lea buoridit máhtu buori elliiddearvvašvuođa ja elliidčálggu birra boazodoalus ja veterinearaid gaskkas. Dat dahkkojuvvo earret eará diehtojuohkima ja máhtolašvuođa gaskkustemiin dávddaid ja dávddaid eastadeami birra, maiddái kurssaiguin sihke boazodolliide ja veterinearaide.
Boazodearvvašvuođabálvalus galgá maiddái ovddidit máhtu boazodoalu ja boazosámi kultuvrra birra veterinearaid gaskkas.
Boazodearvvašvuođabálvalus lea doallan fysalaš kurssaid boazodolliide eanas boazoguohtunguovlluin. 2023:s čađahuvvui maiddái fysalaš kursa šibitdoaktáriidda Romssas. Dál eai leat plánejuvvon diekkár kurssa lagamus áiggis, muhto jus dii boazodoallit dahje šibitdoaktárat dárbbašehpet dakkár kurssa, dahje jus háliidehpet ahte mii searvat din čoahkkimiidda, váldet áinnas oktavuođa. Kurssa/čoahkkima sisdoallu heivehuvvo din sávaldagaide ja dárbbuide.
Boazodearvvašvuođabálvalus lea doallan máŋga webinára, maiddái ovttas Ruoŧa boazodearvvašvuođabálvalusain. Dáid gávdnabehtet vuolábealde oktan ovdanbuktimiiguin ja/dahje báddemiiguin. Vuolábealde oainnát maiddái plánejuvvon kurssaid ja webináraid.
Seminára dollojuvvo Tana Hotel og Campingas (Deanu hotealla ja Campingas) Deanu šaldis borgemánu 23. beaivvi dii. 09:30-16.
Seminára fádda lea buozanvuođat biebmama oktavuođas ja doarjja go mássá bohccuid lihkohisvuođa ja buozanvuođaid geažil. Dasa lassin áigut mii guoskkahit obdukšuvnna ja iskkademiid maid mii dahkat go čuožžilit buozanvuođat. Loahpas šaddá digaštallan dan birra movt sáhttá kártet ja gaskkustit árbevirolaš máhtu.
Dieđit searvama e-postii post@reinhelsetjenesten.no dahje telefovdnanummarii 91858775 maŋemusat borgemánu 21. beaivvi. Reinhelsetjenesten (Boazodearvvašvuođabálvalus) gokčá beaiveborramuša, muhto oasseváldit fertejit ieža gokčat vejolaš mátke- ja orrungoluid.
Seminára lea dušše boazoeaiggádiidda/-dolliide dahje earáide geat leat njuolga čadnon boazodollui. Addojuvvo oasseváldiduođaštus seminára maŋŋel.
Bures boahtin!
Seminára dollojuvvo Sámi allaskuvllas (Diehtosiida) Guovdageainnus njukčamánu 29. beaivvi diibmu 09:30-17.
Seminára fáddá lea dávddat biebmama oktavuođas ja fátmmasta praktihkalaš obdukšuvdna- ja iskkusváldinoasi. Váldde áinnas mielde iežat ráppi iskkadeapmái. Dasa lassin šaddá digaštallan mo sáhttá kártet ja gaskkustit árbevirolaš máhtu.
Dieđiheami ferte čállit e-bostii post@reinhelsetjenesten.no dahje riŋget/čállit SMS:n telefovdnanummarii 91858775 ovdal njukčamánu 23 beaivvi. Reinhelsetjenesten (Boazodearvvašvuođabálvalus) gokčá beaivebiebmu muhto oasseváldi ferte ieš gokčat vejolaš mátke- ja orrungoluid.
Seminára lea dušše boazodoalliide ja sidjiide geain lea njuolga gullevašvuohta boazodollui.
Bures boahtin!
CWD fuomášuvvui vuosttaš geardde gottiin ja ealggain Norggas 2016:s ja ruksesgottiin (hjortain) 2017:s. CWD lea priondávda mas gávdnojit iešguđetlágan šlájat. Eahpemihtilmas CWD lea fuomášuvvon ealggain ja ruksesgottiin Ruoŧas, Norggas ja Suomas. Eahpemihtilmas šládja čuožžila fáhkka earenoamážit boarráset elliin iige rehkenastojuvvo njoammu dávdan. CWD njoammu šládja lea fuomášuvvon gottiin Nordfjellas ja Hardangerviddas. Balahuvvon njoammu CWD boazodoalus norgga bealde oaččui muhtun vahkuid áigi stuorra fuomášumi median ovdal go loahpalaš analysa iskosiin čájehuvvui lea negatiiva.
Sámiid Riikkasearvi, SSR (Ruoŧŧa) ja Boazodearvvašvuođabálvalus (Norga) dollet webinára eahkes CWD birra. Webinára lea jurddašuvvon boazodolliide norgga ja ruoŧa bealde.
- CWD – mii lea priondávda ja movt dat njoammu?
- Dávdda goziheami stáhtus norgga bealde.
- Gii dahká maid CWD oktavuođas? Guđet áššebealit/eiseválddit barget CWD:in daid iešguhtege riikkain ja movt lea bargojuohku?
- Vásáhusat dan balahuvvon CWD dáhpáhusas mii duođaštuvvui leat boastut muhtun vahkuid dás ovdal.
- Digaštallan plánejuvvon barggu birra gearggusvuođaplánaiguin ruoŧa ja norgga bealde. Lea go dárbu oktasaš gearggusvuođaplánii?
Logaldallamat leat norgga ja ruoŧa bealde ja leat buorit vejolašvuođat jearrat logaldallamis ja maŋŋil.
Čállet áinnas sisadieđiheapmái jus dis ležžet dihto gažaldagat maid dii háliidehpet mii galgat vástidit eahketbottas.
Duorastaga golggotmánu 27. beaivvi dii. 19.00 - 20.30 Teamsa bokte.
Áigemearri dieđihit iežat lea: gaskavahku golggotmánu 26. beaivvi. Liŋkka čoahkkimii sáddejuvvo maŋemusat beaivvi mielde 27/10.
Go don dieđihat SSR:a kursii mielddisbuktá dat ahte SSR gieđahallá persovdnadieđuid. Loga eambbo movt dat dáhpáhuvvá, deaddil dákko: https://www.sapmi.se/om-ssr/gdpr/